စီမံကိန်းကြောင့်ရွှေ့ပြောင်းရမည့်သူများအား အောက်ပါအချက်များနှင့်ကိုက်ညီသော လုပ်ငန်းစီမံချက်ကို အခြေခံ၍ ပြန်လည်နေရာချထားခြင်းအကောင်အထည်ဖော်ခဲ့သည် ပြန်လည်နေရာချထားခြင်း၏လူမှုရေးနှင့်စီးပွားရေးဆိုင်ရာအကျိုးသက်ရောက်မှုများအတွက် JICA ၏ပတ်ဝန်းကျင်နှင့်လူမှုရေးဆိုင်ရာထည့်သွင်းစဉ်းစားမှုလမ်းညွှန်ချက်များနှင့်ကမ္ဘာ့ဘဏ်၏ပတ်၀န်းကျင်နှင့်လူမှုကာကွယ်စောင့်ရှောက်မှုမူဝါဒများအပေါ် အခြေခံ၍ ရေးဆွဲသည်။ ဇုန်အေ၏ဖွံ့ဖြိုးတိုးတက်မှုအရဖြစ်ပေါ်လာသည့် ပထမဆုံးပြန်လည်နေရာချထားခြင်း ကြောင့် ပြန်လည်နေရာချထားရေးလုပ်ငန်းကို၂၀၁၃ ခုနှစ်၊ နို ၀ င်ဘာလတွင် စတင်အကောင်အထည်ဖော်ခဲ့သည်။ ထို့နောက်ဇုန် ဘီ၏ ပြန်လည်နေရာချထားခြင်းလုပ်ငန်းသည် သက်ဆိုင်ရာ RWP ကိုရန်ကုန်တိုင်းဒေသကြီးအစိုးရအဖွဲ့မှအတည်ပြုသည့် ၂၀၁၇ ခုနှစ်ဇန်နဝါရီလနောက်ပိုင်းတွင်စတင်ခဲ့သည်။

ပြင်ပအဖွဲ့အစည်းများနှင့်အခြားသောစီမံကိန်းကော်မတီတို့မှ မူလဝင်ငွေအခြေအနေသို့ပြန်လည်ရောက်ရှိစေရေး အစီအစဉ် ကို အပြည့်အဝ စောင့်ကြည့်စစ်ဆေးပါသည်။ စောင့်ကြည့်စစ်ဆေးခြင်းနည်းလမ်းများကို နိုင်ငံတကာ၏ကောင်းမွန်သောအလေ့အကျင့်လိုအပ်ချက်များနှင့်ကိုက်ညီစေရန် အာရှစိမ်းလန်းဖွံ့ဖြိုးရေးဘဏ် ၏ လမ်းညွှန်ချက်များအားလိုက်နာ၍ဆောင်ရွက်ခဲ့ပါသည်။ စောင့်ကြည့်စစ်ဆေးခြင်း၏ရည်ရွယ်ချက် (၁) ဆောင်ရွက်ရမည့် စီမံကိန်းဆောင်ရွက်ချက်များအား အရည်အသွေးပြည့်ဝ၍ အချိန်မီထိထိရောက်ရောက်အကောင်အထည်ဖော်နိုင်စေရန် စီစစ်အတည်ပြုခြင်း (၂) စီမံကိန်းဆောင်ရွက်ချက်များအား စီမံကိန်းရည်မှန်းချက်များနှင့်ကိုက်ညီ၍ မည့်သို့မည်ပုံကောင်းမွန်စွာအောင်မြင်ပြီးမြောက်ရန် ကြိုတင်တွက်ဆခြင်း